Search
ŚB 8.9.1
śrī-śuka uvāca te ’nyonyato ’surāḥ pātraṁ harantas tyakta-sauhṛdāḥ kṣipanto dasyu-dharmāṇa āyāntīṁ dadṛśuḥ striyam
ŚB 8.9.2
aho rūpam aho dhāma aho asyā navaṁ vayaḥ iti te tām abhidrutya papracchur jāta-hṛc-chayāḥ
ŚB 8.9.3
kā tvaṁ kañja-palāśākṣi kuto vā kiṁ cikīrṣasi kasyāsi vada vāmoru mathnatīva manāṁsi naḥ
ŚB 8.9.4
na vayaṁ tvāmarair daityaiḥ siddha-gandharva-cāraṇaiḥ nāspṛṣṭa-pūrvāṁ jānīmo lokeśaiś ca kuto nṛbhiḥ
ŚB 8.9.5
nūnaṁ tvaṁ vidhinā subhrūḥ preṣitāsi śarīriṇām sarvendriya-manaḥ-prītiṁ vidhātuṁ saghṛṇena kim
ŚB 8.9.6
sā tvaṁ naḥ spardhamānānām eka-vastuni mānini jñātīnāṁ baddha-vairāṇāṁ śaṁ vidhatsva sumadhyame
ŚB 8.9.7
vayaṁ kaśyapa-dāyādā bhrātaraḥ kṛta-pauruṣāḥ vibhajasva yathā-nyāyaṁ naiva bhedo yathā bhavet
ŚB 8.9.8
ity upāmantrito daityair māyā-yoṣid-vapur hariḥ prahasya rucirāpāṅgair nirīkṣann idam abravīt
ŚB 8.9.9
śrī-bhagavān uvāca kathaṁ kaśyapa-dāyādāḥ puṁścalyāṁ mayi saṅgatāḥ viśvāsaṁ paṇḍito jātu kāminīṣu na yāti hi
ŚB 8.9.10
sālāvṛkāṇāṁ strīṇāṁ ca svairiṇīnāṁ sura-dviṣaḥ sakhyāny āhur anityāni nūtnaṁ nūtnaṁ vicinvatām
ŚB 8.9.11
śrī-śuka uvāca iti te kṣvelitais tasyā āśvasta-manaso ’surāḥ jahasur bhāva-gambhīraṁ daduś cāmṛta-bhājanam
ŚB 8.9.12
tato gṛhītvāmṛta-bhājanaṁ harir babhāṣa īṣat-smita-śobhayā girā yady abhyupetaṁ kva ca sādhv asādhu vā kṛtaṁ mayā vo vibhaje sudhām imām
Filter by text_type
Filter by hierarchy
- Text 1 (1)
- Text 2 (1)
- Text 3 (1)
- Text 4 (1)
- Text 5 (1)
- Text 6 (1)
- Text 7 (1)
- Text 8 (1)
- Text 9 (1)
- Text 10 (1)
- Text 11 (1)
- Text 12 (1)
- Text 13 (1)
- Texts 14-15 (2)
- Texts 16-17 (2)
- Text 18 (1)
- Text 19 (1)
- Text 20 (1)
- Text 21 (1)
- Text 22 (1)
- Text 23 (1)
- Text 24 (1)
- Text 25 (1)
- Text 26 (1)
- Text 27 (1)
- Text 28 (2)
- Text 29 (1)