Search
ŚB 2.8.1
rājovāca brahmaṇā codito brahman guṇākhyāne ’guṇasya ca yasmai yasmai yathā prāha nārado deva-darśanaḥ
ŚB 2.8.2
etad veditum icchāmi tattvaṁ tattva-vidāṁ vara harer adbhuta-vīryasya kathā loka-sumaṅgalāḥ
ŚB 2.8.3
kathayasva mahābhāga yathāham akhilātmani kṛṣṇe niveśya niḥsaṅgaṁ manas tyakṣye kalevaram
ŚB 2.8.4
śṛṇvataḥ śraddhayā nityaṁ gṛṇataś ca sva-ceṣṭitam kālena nātidīrgheṇa bhagavān viśate hṛdi
ŚB 2.8.5
praviṣṭaḥ karṇa-randhreṇa svānāṁ bhāva-saroruham dhunoti śamalaṁ kṛṣṇaḥ salilasya yathā śarat
ŚB 2.8.6
dhautātmā puruṣaḥ kṛṣṇa- pāda-mūlaṁ na muñcati mukta-sarva-parikleśaḥ pānthaḥ sva-śaraṇaṁ yathā
ŚB 2.8.7
yad adhātu-mato brahman dehārambho ’sya dhātubhiḥ yadṛcchayā hetunā vā bhavanto jānate yathā
ŚB 2.8.8
āsīd yad-udarāt padmaṁ loka-saṁsthāna-lakṣaṇam yāvān ayaṁ vai puruṣa iyattāvayavaiḥ pṛthak tāvān asāv iti proktaḥ saṁsthāvayavavān iva
ŚB 2.8.9
ajaḥ sṛjati bhūtāni bhūtātmā yad-anugrahāt dadṛśe yena tad-rūpaṁ nābhi-padma-samudbhavaḥ
ŚB 2.8.10
sa cāpi yatra puruṣo viśva-sthity-udbhavāpyayaḥ muktvātma-māyāṁ māyeśaḥ śete sarva-guhāśayaḥ
ŚB 2.8.11
puruṣāvayavair lokāḥ sapālāḥ pūrva-kalpitāḥ lokair amuṣyāvayavāḥ sa-pālair iti śuśruma
ŚB 2.8.12
yāvān kalpo vikalpo vā yathā kālo ’numīyate bhūta-bhavya-bhavac-chabda āyur-mānaṁ ca yat sataḥ
Filter by text_type
Filter by hierarchy
- Text 1 (1)
- Text 2 (1)
- Text 3 (1)
- Text 4 (1)
- Text 5 (1)
- Text 6 (1)
- Text 7 (1)
- Text 8 (1)
- Text 9 (1)
- Text 10 (1)
- Text 11 (1)
- Text 12 (1)
- Text 13 (1)
- Text 14 (1)
- Text 15 (1)
- Text 16 (1)
- Text 17 (1)
- Text 18 (1)
- Text 19 (1)
- Text 20 (1)
- Text 21 (1)
- Text 22 (1)
- Text 23 (1)
- Text 24 (1)
- Text 25 (1)
- Text 26 (1)
- Text 27 (1)
- Text 28 (1)
- Text 29 (1)